Стандардот на вработените и студентите, условите и респектиран УКИМ во фокусот на професорот Атанас Кочов, кандидат за ректор
Професор доктор Атанас Кочов, кандидат за ректор на УКИМ, во интервју за Сител ја образложи неговата програма, за која вели дека има за цел овозможување подобри услови и статус на универзитетот.
Како што вели, со неговиот избор, програмата би ја реализирале како тим, со цел подигнување на нивото на УКИМ, односно универзитетот треба заеднички да се врати на патеката каде што заслужува да биде како најстар, најдобар и најквалитетен во Македонија, а токму неговата борба ќе биде насочека и кон подигање на стандардите на секој вработен на универзитетот.
„УКИМ е ризница, македонска ризница. УКИМ е традиција. УКИМ е извор на сите академски и научни елити во Македонија кои биле креатори не само на македонската, не само на државната туку и на регионалните политики. Од таа гледна точка мислам дека е неопходно, во наредниот мандатен период, да го направиме УКИМ да биде оној кој треба да биде, а тоа е еден и единствен. Ако сите државни универзитети во Македонија проиизлегоа во суштина од УКИМ, бидејќи кадарот кој што беше и е ангажиран во јавните универзитети е кадар кој што е произведен во универзитетот Св. Кирил и Методиј. Тоа значи дека УКИМ треба да го заземе своето посебно место на ниво на држава. Тоа значи дека мора да се регулира начинот на финансирање на високото образование, односно начинот на финансирање на овој стожее бидејќи досега сме на најниско ниво од аспект на стандардот на сите вработени на УКИМ, што е недопустливо, недозволиво. Мораме да се грижиме за да имаме современи и европски програми, а тоа значи дека мора да имаме и комплетно опремени лаборатории. Односно, мора да имаме и средства за да тие лабораториите да ги негуваме, каде не само наставен процес, туку да се одвива и наука и истражување доколку сакаме УКИМ да го издигнеме на повисоко ниво. УКИМ треба да биде респектиран од сите, тој кој ќе биде водилка на високото образование“, рече проф. Кочов.
Според проф. Кочов, борбата ќе биде насочена и кон стандардот на студентите, посебно во делот на студентските домови и условите во нив.
„Постојат начини. УКИМ треба да има претприемачки дух кој што ќе овозможи наредни канали со кој што ќе успее условите да ги направи да бидат солидни и за сите вработени, и за студентите“, вели професорот.
Тој порачува дека на студентите треба да се гледа како на партнери, а не како некои кои ќе дојдат, ќе поминат одредено време таму и ќе заминат.
„Ние сме маса од 50.000 луѓе. Тоа е маса која мора да биде респектирана. Ние не смее да дозволиме она што сега се случува во државата, ректорот или деканите да трчаат по министерствата и да молат одредени планови да им бидат одобрени или да бидат одобрени одредени финансиски средства“, додаде тој за „Сител“.
Прашан за тоа дали УКИМ може да биде рамо до рамо со останатите универзитети во светот, професорот Кочов порача дека УКИМ можел, може и ќе може.
Според него, капацитетот на децата е добар, и затоа мораат да се соединат како фела и своето знаење да го насочат кон превенирање на вакви работи.
Професорот вели дека со промена на интерната организација, планот е да се задржат студентите да студираат токму на овој универзитет наместо да запишуваат студии на светски универзитети.
Изборите за ректор на УКИМ се на 30 мај, а во трката учествуваат 6 кандидати.
Во продолжение погледнете го целото интервју на професорот:
