СРПСКАТА ПОЛИЦИЈА СЕ ЈАВИ СО СООПШТЕНИЕ: Дали се најдени некакви траги од Данка во тунелот?
Од српската полиција соопштија дека во тунелот не се пронајдени траги кои би укажувале дека двегодишната Данка Илиќ се наоѓала таму.
„Специјалистичите тимови за спасување од урнатините при секторот на МВР за вонредни ситуации од Белград и Нови Сад, од раните утрински часови детално го пребараа тунелот, подземните канали и шахтите со вкупна должина од околу 4,5 километри, во реонот на Бањско Поле од градот Бор и во таа пригода не се пронајдени никакви траги кои би укажувале на тоа дека тука се наоѓала двегодишната Данка Илиќ“, објави МВР на Србија на својата страница на Инстаграм.
Пребарани се 10 квадратни километри површина. Девојчето исчезна во вторникот.