Средношколец од „Лазар Танев“ доби кривична – на Фејсбук упатил закани кон професори
16 годишен средношколец бил приведен во полиција по пријава на директорот на угостителското училиште „Лазар Танев“ откако преку социјалните мрежи се заканувал по животот на професори.
Ова за Канал 5 го откриле од Министерството за внатрешни работи.
Од обвинителството кое се уште ја нема добиено кривичната пријава велат дека се известени и дека постапуваат координирано со надлежните институции со цел реакција и превенција од вакви настани.
„Известен е јавен обвинител и против лицето ќе биде поднесена кривична пријава до ОЈО за сторено кривично дело загрозување на сигурноста… –велат од МВР за Канал 5.
