Србите нагрнаа по државна помош, поднесени 300.000 барања: Еве колку пари им дава државата, се појавија и проблеми
Жителите на соседна Србија кои имаат деца не постари од 16 години имаат право на парична помош. Пријавувањето за еднократна државна помош од 10.000 динари за деца до 16 години започна на 20 август на полноќ и ќе трае точно еден месец, до 20 септември.
Веќе првиот ден, поточно за само 13 часа пристигнаа рекорден број апликации, за дури 200.000 деца. До недела навечер, поточно до 18 часот, бројката „се искачи“ на 300.000, потврдија од тамошното Министерство за финансии.
Право на еднократна државна помош од 10.000 динари за деца до 16 години имаат 1.190.000 деца, а за оваа мерка државата издвоила околу 100 милиони евра.
Но, некои се соочија и со проблем, системот изгледа не ги препознава сите родители, за што се работи, се обиде да дознае Никола Павловиќ, репортер на утринската програма „Пробуди се“. Таа дознава со што се соочуваат родителите на посвоените деца кога аплицираат за државна помош.
Родителот Никола Јововиќ сведочеше дека се прифатени барањата на неговата и на сопругата, но кога го провериле статусот виделе дека барањето е прифатено за едното дете, но не и за другото. Се работи за тоа дека едното е биолошко дете, а другото е целосно посвоено, пишува „Нова.рс“.
– Целосно посвоено дете и биолошко дете се еднакви според сите закони, но системот ни го призна само биолошкото дете, иако посвоеното дете го посвоивме пред 10 години и тогаш ни беа префрлени сите податоци, сите права и обврски како негови родители – рече Јововиќ.
