Спречени исплатите: УЈП со детали за случајот со нафтените компании
Управата за јавни приходи денеска со детали за случајот во кој нафтени компании со лажни фактури сакале да добијат поврат на ДДВ и исплати по основ на Данок на личен доход.
Тие информираа дека спроведени биле контроли кај три даночни обврзници регистрирани за вршење дејности трговија со нафта и нафтени деривати на големо и мало кои пристапиле кон изигрување на законите преку промена на назив и седиште на правното лице, како и промена на сопственичката и управувачката структура, без да имаат пријавени вработени, соодветни лиценци од Регулаторната комисија за енергетика, бензинска пумпа и складишен простор, служејќи се со фиктивни фактури за милионски суми.
„Нема оштетување на Буџетот затоа што даночните службеници спречиле исплати за поврат на ДДВ од 160.117.130 денари и за Данок на личен доход од 18 969.998 денари“, информираше директорката на УЈП Сања Лукаревска.
Според неа, станува збор за три даночни обврзници и петмина добавувачи, а за овие случаи УЈП доставило писмени пријави и докази до Основното јавно обвинителство и Министерството за внатрешни работи на 15 ноември 2023 година.
Таа додаде дека пријава имало доставено и до Управата за финансиска полиција и тоа на 1 декември 2023 година.
Станува збор за утврдени неправилности по основ на ДДВ кај првиот 79.350.190 денари, кај вториот од 26.090.205 денари, додека пак во третиот случај биле 54.676 милиони денари.
