„Спиј мирно ќерко моја“: Зборовите на таткото на убиената Ивана ја кинат душата, по убиецот се трага 4 месеци

Младата Ивана Кривокапиќ беше убиена пред 4 месеци, на 2 декември минатата година на Звездара, а нејзиниот татко Слободан на Фејсбук објави болна порака во која и порача да спие мирно.

– Замислувам други времиња, замислувам дека се е поинаку… Знам дека ми е илјада пати потешко кога душата ми плаче, а очите ми се сушат… Кога целиот океан е во твоето срце… не не ја знам адресата или бројот на небото, но се надевам дека ништо не боли таму, дури ни душа, но знам како е овде долу на земјата, премногу е тешко… Но ќе продолжам да замислувам дека ќе прочиташ некаде и јас ќе го чекам мојот гулаб… Спиј мирно ќерко моја… – напиша тој со фотографија од ќерка му и гулаб.

Да потсетиме, Ивана беше убиена на 2 декември минатата година, а полицијата се уште трага по осомничениот Јетмир Гочај во две држави, додека потерницата е распишана на 16 јануари.

Ужалениот татко изјавил и дека тагата се насобрала над три животи, но дека се труди да ја смести во еден и да преживее.

– И небото понекогаш плаче за оние кои прерано заминале, а како не може човек. Ми кажаа дека е најтешко да плачеш без солзи, но не ми кажаа со колку нули се пишува болка и тага.. Ангеле мој.. – напиша тој.

Фото: Принтскрин/Фејсбук