СПАСУВАЧКА АКЦИЈА: Хеликоптер транспортираше трудница од завеан хрватски град
Хрватските власти со хеликоптер спасија трудница од завеан град.
Пилотите на хрватското воздухопловство и тимот на Хрватската планинска спасувачка служба, денеска евакуираа трудница од градот Крбава кај Удбина во Загреб.
Пилотот на хеликоптерот „Црни Јастреб“ изјави дека трудницата е спасена со итен лет во зимски услови и затоа ова е најубавиот подарок за Божиќ што можел да го добие целиот хеликоптерски тим.
„Веднаш откако го добивме барањето за извлекување трудница од место изолирано за сообраќај, поради сложена метеоролошка ситуација, со силен ветер, ниска облачност и снег, знаевме дека ќе биде напорно. Но, за успешно извршување на задачата придонесе интензивната обука на екипажот на хеликоптерот Блек Хок УХ-60М како и знаењето за користење на хеликоптерскиот систем“, изјави пилотот на хеликоптерот на хрватското воздухопловство.
Хеликоптерот полетал од базата во Лучко кон градот Крбава, каде што е пренесена бремената жена и се вратил назад во Лучко, каде екипа на итната помош од Загреб ја пренела пациентката. Снежно невреме го зафати регионот. Во Србија вчера загина млад човек во сообраќајка, откако автомобилот удрил во цистерна. Во Босна, деновиве 200.000 домаќинства останаа без струја поради снежното невреме.
