Спасовски зборуваше дали би се кандидирал за претседател
Министерот за внатрешни работи Оливер Спасовски денеска беше запрашан од новинарите дали би се кандидирал за нов претседател на државата, на што одговори дека тоа е политичко прашање.
-Партиските и политичките работи ќе ги оставиме за партијата. За сите политички прашања ќе разговараме таму каде што е местото. Денес сме овде заради интересот на лицата со посебни потреби, глувите, наглувите, за проектите што ги имаат, за поддршката од институциите и за мене е поважно да работиме секој ден во интерес на граѓаните и да помогнеме на категорија граѓани, истакна Спасовски за тоа дали размислува да го наследи претседателот Стево Пендаровски.
