„СОВРЕМЕН ДОМ“ ПРИЛЕП БИРА ЧЛЕНОВИ НА ДИРЕКТОРСКИОТ БОРД – еве кои добиваат уште еден мандат, а кој е нов
Компанијата Современ дом од Прилеп избира нови членови на Одборот на директори, чии мандат ќе трае во следните четири години.
Одлуката за избор на нови членови на директорскиот борд треба да ја донесе Собранието на акционери, на седница која е закажана за 15 наредниот месец.
За членови на Одборот на директори со мандат во времетраење од четири години ќе бидат избрани Жаклина Серафимова, Ацо Дудулоски, Виолета Дудулоска Алавања, како и Коце Јанески, кој ќе биде независен член на Одборот на директори.
Од Современ дом информираат и дека Одборот на директори на својата конститутивна седница ќе треба да да избере претседател и да назначи
извршен член.
На неизвршните членови на Одборот на директори им следува паушал по седница во нето
износ од 3.000 денари.
„Извршниот член на Одборот на директори има право на плата и други права согласно закон и
статут, а кои подробно ќе се уредат во Договорот за уредување на односите меѓу друштвото и
извршниот член“, се вели во предлог одлуката за која ќе гласаат акционерите на седницата на 15 ноември.
Инаку, Ацо Дудулоски, Коце Јанески и Жаклина Серафимова претходно ќе бидат отповикани од членови на Одборот, поради престанување на мандатот, што значи дека тие добиваат нов четиригодишен мандат.
Н.Н.Ф.
