Советот на Кочани го избра Венко Крстевски за в.д. градоначалник
На денешната седница на Советот на општина Кочани, за в.д. градоначалник беше избран независниот советник Венко Крстевски, кој доби поддршка од деветмина советници, додека еден глас беше воздржан.
Гласањето се спроведе во два круга, при што резултатот остана непроменет – Крстевски доби девет гласови „за“, додека неговиот противкандидат, советникот од ВМРО-ДПМНЕ Гоце Марковски, беше поддржан од осуммина.
По завршувањето на изборот, советниците му порачаа на Крстевски „памет во глава“, а тој возврати со поракa дека останува отворен за соработка со сите политички чинители и, најважно, со граѓаните на Кочани.
