Советник на украинскиот министер: Со уништувањето на браната изгубивме важен маневар
„Уништувањето на браната Нова Каховка на реката Днепар во јужна Украина става крај на секоја надеж дека киевските трупи ќе можат да извршат успешен напад преку реката“, изјави за Newsweek советник на украинското Министерство за одбрана.
Уривањето на браната, кое се случи вчера вечерта по пријавени серии експлозии, предизвика сериозни поплави во долниот тек на реката Днепар, а стотици илјади луѓе во областа сега се евакуирани. Реката е дел од линијата на фронтот меѓу украинските и окупаторските руски сили, со трупи на Киев на западниот брег во градот Керсон и московски на исток.
Керсонскиот дел од линијата на фронтот беше една од можните локации за долгоочекуваната пролетна контраофанзива на Украина. Но, Андриј Загородњук, кој беше министер за одбрана на Украина од 2019 до 2020 година и сега е советник на Министерството за одбрана, изјави за „Њузвик“ дека сега не е можен амфибиски напад преку Днепар.
„Тоа всушност го оневозможува преминувањето на реката во таа област“, објасни Загородњук.
„Дури и спроведувањето операции во целата таа област ќе биде многу потешко“, додаде тој.
извор: Index.hr
