Советничка од ЛДП-ДОМ заедно со ВМРО-ДПМНЕ и Левица во битолскиот совет – „Нема да учествуваме на незаконити седници“, вели претседателката
Советничка од листата на ЛДП-ДОМ од денеска е во „ново-формираното мнозинство“ во битолскиот совет заедно со ВМРО-ДПМНЕ и Левица. Ова следува откако минатата советниците проодлжија со работа откако претседателката на советот Габриела Илиевска ја прекина седницата и заедно со други 10 советници ја напуштија салата.
Советничката Анастасија Трајковска денеска е 16-тиот советник потребен за одржување на седница, на минатата седница тоа беше Мерита Исмајловска која подоцна се повлече од намерата за „мнозинство“ со ВМРО-ДПМНЕ и Левица.
Претседателката на Советот за 4NEWS.mk вели дека за денеска таа нема закажано седница.
„Кој, како и што работи внатре во салата на советот во овој момент не знам. По добиената информација за одржување на седница, утринава како советничка група испративме дописи и до Градоначалникот Тони Коњановски и до Општина Битола во кои информиравме дека советничката група на Поинаку, во состав Габриела Илиевска, Иван Чулакоски и Алмир Адемоски нема да присуствува на т.н. продолжение на 26-тата седница на Советот на Општина Битола. Како советници немаме намера да учествувмае на незаконити седници, ни сега, ни во иднина. Исто така го информирав и Градоначалникот и службите во Општината дека како Претседател на Советот на Општина Битола, побарав вонреден инспекциски надзор од страна на Државниот инспекторат за локална самоуправа за последните случувања во Советот на Општина Битола“, вели Габриела Илиевска, претседателка на Советот во Општина Битола.
