„СОПСТВЕНИКОТ НА ВИЛАТА ВО ГРЦИЈА НИ ГО УНИШТИ ОДМОР“: Реакцијата на газдата ги шокирала, еве за што се морале да доплатат

Сезоната на одмори полека привршува, но на социјалните мрежи сè уште можеме да прочитаме различни искуства од популарните дестинации на нашите туристи, особено од Грција која важи за омилена меѓу нашите граѓани и оние во соседството.

Таков е и еден од последните споделени статуси во Фејсбук групата Грција – група за туристи, каде се појави објава во која жена се жали на сместувањето што го имале годинава во Флогита.

– Овде ќе споделам едно многу непријатно искуство од одмор во Флогита со надеж дека луѓето на кои им треба одмор нема да го доживеат истото. Станува збор за замок и за човекот кој управува со него. Таму доживеавме толку лошо искуство, досега никаде не било вака – пишува во објавата и продолжува:

– Немавме топла вода затоа што бојлерот беше расипан. Не само што не му падна на памет да го поправи, туку нè искара, не навредуваше… Тој маж и жена му штом ја поминеш капијата бараат пари, а гостите уморни од патувањето, плаќаат на влез како да се крадци. Ги навредуваат и викаат гостите ако зборуваат малку погласно во нивните соби! Но, вие плативте, па издржете до крај! Тој вели: Јас сум тука шеф, јас ги правам правилата! Ова е искуството на неколку гости на вилата со кои разговарав! Ни го уништи одморот! – стои во објавата, пренесува „Курир.рс“.

Оваа објава предизвика лавина коментари од членовите на споменатата група. Судејќи по реакциите, мислењата беа поделени. Некои напишале дека имале одлично искуство во оваа вила, додека други биле шокирани од ова искуство.

– Гледаш дека сопственикот на вилата себеси се нарекува газда. Таквите луѓе едноставно ме разболуваат. Зошто дозволивте, вратете ги парите и чао – вели еден од коментарите, додека другиот гласи:

– Тоа што барал пари на капија е сосема во ред со оглед на тоа што многумина побегнаа од апартманите без да платат. Ако котелот за топла вода не работи, тоа е страшно, а се друго го одредува сопственикот на куќата и нема дискусија за тоа – прочитајте дел од коментарите под објавата.

Фото: Принтскрин/Фејсбук