СОПСТВЕНИЧКИ ПРОМЕНИ ВО „ГРАНИТ“ – Зоран Милковски се стекна со 2.000 обични акции на компанијата
Нови акционерски промени се случуваат во нашата најголема градежна компанија „Гранит“.
Зоран Милковски, кој е генерален директор на компанијата и член на Управниот одбор, се стекнал со 2.000 акции на ова акционерско друштво, соопшти „Гранит“ преку објава на ценовно чувствителна информација до инвеститорската јавност.
„Согласно член 34 од правилата за котација, известувамедека членот на Управниот одбор на ГД Гранит АД Скопје, Зоран Милковски се стекна со 2.000 обични акции од
издавачот на хартии од вредност друштвото ГД Гранит АД Скопје“, се вели во информацијата објавена на Берзата.
Според последната објава на ЦДХВ, која датира од 18 јануари, Зоран Милковски располага со 9,61 отсто од капиталот на оваа градежна компанија.
Неодамна, на први овој месец, објавивме дека се случи блок трансакција со акциите на „Гранит“, на која беа продадени 25.417 акции на ова акционерско друштво, по цена од 1.145 денари за акција. Вкупната вредност на блок трансакцијата е близу половина милион евра, или прецизно 473 илјади евра.
Н.Н.Ф.
