Собраниската седница за разрешување на Меџити и Алиу, пратениците со меѓусебни обвинувања!
Денеска во Собранието на Македонија се оддржува седница посветена за разрешување на министерот за здравство Фатмир Меџити и министерот за информатичко општество, Азир Алиу кои доаѓаат од Алијанса за Албанците.
За збор се пријавени 36 пратеници, а седницата доаѓа откако министрите се изјаснија дека го поддржуваат претседателот на АА Арбен Таравари, кој донесе одлука на претстојните избори да делуваат со албанската опозиција.
По ова, техничкиот премиер Талат Џафери побара нивно разрешување и именување нови, кои се од крилото на АА што го предводи Зијадин Села.
Џафери од собраниската говорница образложи дека професионалноста на Меџити и Алиу не е спорна, но дека според законот не може да има два опозициски субјекта во состав на Владата и дека тоа е основната причина зошто е предложено разрешувањето на двајцата министри.
Според опозицијата пак, Талат Џафери нема демократски капацитет да се носи со техничка влада.
Седницата продолжува и по 18 часот, а се најавува дека Парламентот ќе работи и викендов.
