Собранието на жени во АА за изјавата на Латас: Ваквите изјави се второ силување за жртвата
Собранието на жени во Алијанса за Албанците денеска се јави со реакција по повод јавната изјава на Драган Павловиќ Латас во подкастот на јутјуберот Стефан Лазаров.
Според нив, гордото признавање на тежок чин на силување е исто толку груба како и делото што го направил.
„Ваквите изјави се второ силување за жртвата, поттик за повторување на ваквите дела кај лица кои имаат исти диспозиции како Латас и треба да служат како аларм за институциите. Ги повикуваме Обвинителството и МВР за овој случај да не се одолговлекува и да заврши како многу други случаи кои остаруваат и истекуваат по фиоки, туку, конечно, ваквите примери да ја добијат заслужената казна за да послужат како поука за другите. Децата, жените и девојките во нашето општество се под постојана опасност, уште повеќе кога се јавно загрозени и девалвирани од луѓе со јавно влијание, а институциите молчат пред вакви случаи“, велат од таму.
