Собранието ги констатираше оставките на Марко Бислимоски и Цвета Ристовска
Собраниската седница денеска помина во знакот на кадровски промени, откако пратениците ги констатираа оставките на двајца функционери од независните институции.
Во македонското Собрание беа формално потврдени оставките на претседателот на Регулаторната комисија за енергетика, водни услуги и услуги за управување со комунален отпад (РКЕ), Марко Бислимоски, како и на членката на Државната комисија за спречување на корупцијата (ДКСК), Цвета Ристовска.
Оставките беа констатирани без дополнително образложение пред пратениците.
Бислимоски се повлече од функцијата откако против него беше поднесена кривична пријава од Управата за финансиска полиција, додека Ристовска ја достави својата оставка по отворањето на два предмети поврзани со нејзината работа.
