Со што се занимавал масовниот убиец од Младеновац пред да го изврши масакрот?
Работеше градежништво до април годинава, не спомна дека некого во селото мрази, сведочи најдобриот пријател на убиецот од Младеновац.
Урош Блажиќ кој има 21 година, по вештачењето во Специјалната затворска болница во Белград, е префрлен во притвор во Смедерево.
Блажиќ е осомничен за смртта на 9 и за ранувањето 13 луѓе во масакрот кај Младеновац и Смедерево. Досега се сослушани повеќе од 50 сведоци, а меѓу нив е и најдобриот пријател на Урош, кој го видел само десет дена пред масакрот.
„Се сретнавме во Белград на кафе. Разговаравме за сè и сешто. Тој беше во добро расположение. Најмногу ми раскажуваше како е во Германија. Работел градежништво од јануари до април годинава. Никогаш не ми спомна дека некој во селото го мрази. Тој ги осуди сите форми на насилство и луѓето што пијат и земаат опијати. Јас сум негов најдобар пријател од раѓање и не можев да верувам што направи“, сведочеше најдобриот пријател на Урош во Вишото јавно обвинителство во Смедерево.
Сведокот рекол дека Блажиќ е „задоволен од својот живот“. Во ниту еден момент од приказната и однесувањето на Урош не можел да заклучи дека ќе направи масакр.
Вишото јавно обвинителство во Смедерево, ги сослуша сведоците на злосторството, таксистот, но и мајката на Блажиќ.
