Со пасоши со старото уставно име да се гласа на избори
СДСМ изрази поддршка за предлогот на Државната изборна комисија (ДИК) кој предвидува документите со називот “Република Македонија” да бидат валидни за гласање на претстојните избори.
Лидерот на СДСМ, Ковачевски, изјави дека партијата работи на ова решение уште од минатата година и нагласи дека е важно граѓаните да можат да го исполнат своето право на глас. Според него, околу 100,000 граѓани имаат важечки документи со старото уставно име.
„Поддржувам и веќе се разговара. Работните групи кои работат на Изборниот законик, се работи за одредба на Изборниот законик за да може секој граѓанин да го искористи своето гласачко право“, рече Ковачевски.
Исто така, опозициската партија ВМРО-ДПМНЕ изјави дека ќе го поддржи овој предлог во парламентот. Тие сметаат дека секое решение кое овозможува непречено гласање на граѓаните е прифатливо. Раниерите на ВМРО-ДПМНЕ предложија пасошите со старото име да важат до крајот на годината за секаква употреба, но тоа не доби поддршка од власта, која сметаше дека таквото решение би го нарушило Преспанскиот договор и не би ја решило проблематиката со издавањето на нови документи.
Законот засега не е во собраниска процедура.
Над 15.000 лица, пак, според МВР, кои поседуваат документи со старото име односно во моментов немаат важечки пасош или лична карта, а се сликани за нов документ и истите им се во процес на издавање. Исто така над 1 000 граѓани, од денот на распишување на изборите (14 февруари) до 8 мај ќе станат полнолетни и ќе треба да гласаат за прв пат, меѓутоа не поседуваат никаков нов личен документ.
