СО КАМИОН УСМРТИЛ ВЕЛОСИПЕДИСТ Приведен возач од Гостивар
Лишен од слобода e возач кој денеска со товарно возило усмрти велосипедист во Гостивар, соопшти полицијата.
Денеска (16.12.2025) околу 13 часот во Гостивар, полициски службеници од ОВР Гостивар го лишија од слобода Х.М.(44) од Гостивар, постапувајќи по пријава дека во 12:35 часот на крстосница од улицата Илинденска со улицата Седек Костовски во Гостивар, товарно возило „мерцедес“ со гостиварски регистерски ознаки, управувано од Х.М., удрило во велосипед управуван од И.М.(76) од Гостивар.
И.М. бил пренесен во Медицинскиот центар во Гостивар, каде лекар констатирал смрт.
По документирање на случајот, во координација со јавен обвинител, против Х.М. ќе биде поднесена соодветна пријава.
.
