Со брз воз, растојанието меѓу Анкара и Измир ќе се помине за само 3 и пол часа

Со брз воз, растојанието меѓу Анкара и Измир ќе се помине за само 3 и пол часа. Ова вчера го соопшти министерот за транспорт и инфраструктура на Турција, Абдулкадир Уралоглу, цитиран од ТВ Си-Ен-Ен-Турк.

Продолжува имплементацијата на проектот за брза линија Анкара-Измир, а досега се завршени 62,9 отсто од проектот, рече Уралоглу.

Тој прецизираше дека железничката линија Анкара-Измир ќе биде долга 624 километри, а растојанието ќе се помине за само три и пол часа.

Во моментов, постои и железничка врска меѓу турската престолнина и градот во Егејското Море, пругата е долга 824 километри, а патувањето трае 14 часа.

Министерот Уралоглу рече и дека со отворањето на новата брза пруга значително ќе се намали времето на патување од Анкара до западниот град Маниса (од 11 часа и 45 минути на 2 часа и 50 минути).

Брзите возови сообраќаат во неколку правци во Турција, вклучувајќи ја и линијата Анкара-Истанбул. Растојанието од турската престолнина до Истанбул е поминато за нешто повеќе од четири часа. Возот развива до 270 km/h, но во областа Истанбул се движи со помала брзина.

Во моментов се развива проект за супер брз воз на линијата Анкара-Истанбул , кој ќе се движи со 350 km/h, а растојанието меѓу двата града ќе биде поминато за само 80 минути.