СНЕГ ВО СРБИЈА, ЦРВЕН АЛАРМ ВО ХРВАТСКА: Еве што донесе орканската бура на Балканот!
Откако снежната бура ги зафати планинските предели во Србија, снег почна да паѓа и во Белград.
На сила е метеоролошката тревога, поради врнежите кои ги изненадија сите, со оглед на тоа што е почеток на април. Метеоролозите на Републичкиот хидрометеоролошки завод (РХМЗ) издадоа предупредување за вчера и за денес дека Белград може да добие снеќна покривка
april, ponoc sneg❤️❄️ pic.twitter.com/FPWT3VcCSS
— Mirjana Bogosavljević (@mirjana_april) April 3, 2023
Црвен аларм во Хрватска!
Од вчера во сила се забрани за сообраќај за одредени групи возила. Суспендирани се бројни линии на траекти, бродови, затворени се патиштата на крајбрежјето.
Црвени предупредувања за метеоаларм се издадени и за денес, повторно за целото крајбрежје, вклучително и за внатрешноста на Далмација.
Ураганската бура во подножјето на Велебит ќе оди и до 180 километри на час, како што беше случајот вчера. Во Далмација најсилниот наплив на невреме ќе биде околу 145 км/ч.
Портокалово предупредување е издадено за Горски котар и Лика каде најсилните налети на ветерот ќе бидат околу 110 км/ч.
Жолто предупредување е издадено и за останатиот дел од земјата, исто така поради ветрот, поточно невреме со северни и североисточни ветрови.
А еве ја прогнозата на Државниот хидрометеоролошки завод за денес.
Сè уште ветровито и променливо облачно со сончеви периоди во повеќето области. Со поголема облачност можни се слаби врнежи, на крајниот југ и исток од земјава малку врнежи од дожд, а на Лика снег кој во првиот дел од денот може да има и на исток. Најсончево ќе биде во северниот дел на Јадранот.
Ќе дува умерен и засилен северен и североисточен ветер, а долж крајбрежјето ќе има силно и невреме, на места со бура, претежно во подножјето на Велебит. Ветерот до крајот на денот малку ќе слабее. Најниската утринска температура на воздухот од -2 до 2, на Јадранот од 3 до 9, а највисоката дневна од 2 до 8 на копното и од 8 до 14 °C долж брегот.
