Снег се најавува за викендов во Македонија – какво ќе биде времето?

Утре ќе има преодно стабилизирање на времето со минималните температури кои на повеќе места ќе се спуштат под нула. За време на викендот и во почетокот на следната седмица времето ќе биде променливо облачно со повремнени локални врнежи од дожд, а на планините од снег.

ВРЕМЕТО ДЕНЕС

Претпладне променливо облачно, а попладне сончево со мала до умерена облачност. Во југозападните делови ќе се задржи пооблачно и ќе има слаби локални врнежи, во пониските подрачја од дожд, а во повисоките од снег. Ќе дува слаб до умерен, а долж Повардарието повремено засилен ветер од северен правец. Максималната температура ќе биде во интервал од 7 до 13 степени.

Во Скопје променливо облачно со сончеви периоди, а попладне облачноста ќе се намали. Ќе дува умерен, попладне повремено засилен северен ветер. Максималната температура ќе достигне 10 степени.

ВРЕМЕТО УТРЕ

Утрото ведро и студено, преку денот сончево со мала до умерена облачност. Ќе дува слаб до умерен ветер од северозападен правец. Во Скопје, сончево со мала до умерена облачност. Ќе дува слаб до умерен ветер од северозападен правец.

СЛЕДНИТЕ ТРИ ДЕНА