Смена на 4 судии и две години неизвесност – утре пресуда за несреќата во која загина велосипедистка!
По речиси две години правна неизвесност, семејството Цветкоски утре ја очекува пресудата од Основниот суд во Битола за сообраќајната несреќа во која трагично ја загубија својата најблиска – сопруга и мајка, Анета Цветкоска.
Според информациите, несреќата се случила на 9 јуни 2023 година, кога, полицискиот службеник Д.П., додека не бил на должност и управувал со приватно возило, ја прегазил жената која била застаната покрај патот со велосипед.
По ударот, обвинетиот го напуштил местото на несреќата, а подоцна неговиот татко лажно се пријавил како возач.
Семејството во изјава за 24инфо.мк велат дека по двегодишна правна голгота со надеж за правда, утрешната пресуда ја гледаат како клучен момент за затворање на едно болно поглавје.
Очекуваат најстрога казна, имајќи го предвид карактерот на делото и однесувањето на обвинетиот.
