Случајот со фестивалот каде започнал теророт доби нови димензии: Организаторите во последен момент ја смениле локацијата, не се знае причината!
Музичкиот фестивал „Супернова“, за време на кој во саботата на 7 октомври започна нападот на Хамас врз Израел, првично требаше да се одржи на друга локација.
Музичкиот фестивал „Супернова“, за време на кој во саботата на 7 октомври започна нападот на Хамас врз Израел, првично требаше да се одржи на друга локација, пишува „Јутарњи лист“. На фестивалот имаше околу 3.500 луѓе и тој се одржа во пустината Негег, во близина на Кибуц Реим, кој е на само пет километри од оградата во Појасот Газа.
Забавата за претежно млади започна во петокот околу 22 часот и траеше цела ноќ. Поточно, до 06:30 часот кога почна нападот на Хамас.
Според организаторите, локацијата на фестивалот била сменета два дена порано. Причината за промената во последен момент е одлуката на спонзорот да ја откаже оригиналната локација на југот на Израел.
Во масакрот на фестивалот, според досегашните информации, загинаа најмалку 260 луѓе. Оние кои преживеале биле киднапирани и однесени во Газа.
Но, има и такви кои го преживеале и пукањето и патувањето во Газа, а тврдат дека на фестивалот имало голем број безбедносни лица. Едно лице, кое сакаше да остане анонимно, рече дека музиката прво била прекината затоа што се прекинале каблите за струја, а набрзо имало и пукање.
Како што пишува рускиот портал „Медуза“, посетителите на фестивалот за точната локација биле известени само неколку часа порано во петокот. Локацијата требаше да биде тајна.
Организаторот „Племето Нова“, во пораката што ја објави „Вашингтон пост“ наведува дека фестивалот ќе се одржи на „моќна локација на отворено“ лоцирана на 75 минути јужно од Тел Авив, главниот град на Израел. Во пораката се вели дека посетителите не треба да имаат оружје и остри предмети со себе.
