Случај Онкологија: Одбраната вели се постапувало правилно – „Ова што сега го слушаме е за научен конгрес, а не за судница“
Стручната дебата за начинот на лекување на онколошките пациенти во Македонија денеска продолжи во Основниот кривичен суд, каде одбраната на обвинетите лекари ги оспори наодите на словенечките вештаци и побара целосна дискредитација на обвинението.
Адвокатот Владимир Туфегчиќ, бранител на доктор Симонида Црвенкова, пред почетокот на денешното рочиште изјави дека неговата клиентка постапувала правилно и кај многу пациенти успеала да го продолжи животот над просекот утврден во научните студии.
„Ова што сега го слушаме во судница е тема за национален или светски конгрес на онколози, но не е тема за судска постапка,“ истакна Туфегчиќ.
Тој нагласи дека обвинението е изградено врз „селективна и нецелосна документација“, обвинувајќи дека вештачењето на словенечките лекари не ги зело предвид:
Клучен аргумент на одбраната денеска беше фармаколошкото вештачење од професор Лабачевски. Според Туфегчиќ, ова вештачење докажува дека лекот „ерлотиниб“ не е биолошки лек и дека неговата примена не може да предизвика фатални последици, како што тврди вештакот од Словенија. Нуспојавите од овој лек, според одбраната, се транзиторни (минливи) – како осип на кожа и пад на коса – но никако смрт.
Денешното рочиште е продолжение на маратонското сослушување на вештакот Маја Равник од Медицинскиот факултет во Марибор. Таа, по налог на Обвинителството, анализирала документација за дури 51 пациент од Клиниката за онкологија.
Вчерашното осумчасовно вкрстено испитување на Равник беше фокусирано на:
Поранешниот директор на Клиниката, Нино Васев, заедно со онколозите Симонида Црвенкова и Драган Јакимовски, се обвинети за несовесно лекување кај вкупно 29 пациенти. Обвинителството тврди дека била применувана неподобна терапија и погрешно дозирање без соодветна процена.
Досега во овој случај само второобвинетата Мери Пешевска призна вина, по што доби условна казна затвор од две години.
Процесот продолжува со сослушување на останатите вешти лица од Словенија, а кон крајот на март се очекува пред судот да се појават и вештаците од Србија. Паралелно со овој процес, против Васев се води и друга постапка за злоупотреба на службената положба поврзана со штета од над 2,2 милијарди денари на државниот буџет.
