СЛОВЕНИЈА ЗАБРАНИ ПРОДАЖБА НА ПОЗНАТ ЕНЕРГЕТСКИ ПИЈАЛОК: Содржи недозволена состојка
Инспекцијата на Управата за безбедност на храна, ветеринарна медицина и заштита на растенијата на Република Словенија извршила контроли на пијалокот Прајм и открила дека во оптек има две верзии.
Подоцнежната проверка на состојките покажа дека енергетскиот пијалок Prime ја содржи состојката Л-теанин, која не е дозволена во безалкохолните пијалоци во ЕУ, но е дозволена во друга храна. Така, оваа верзија е забранета за оптек, пренесува „Н1“.
Кофеинскиот енергетски пијалок на овој бренд содржи дури 200 mg кофеин по конзерва. За споредба, најпознатиот енергетски пијалок на пазарот содржи 80 мг кофеин по конзерва, пренесува Нови лист.
Воедно, Управата и Дирекцијата за јавно здравје на Министерството за здравство побараа проценка на ризик од Националниот институт за јавно здравје.
Како што појаснија оттаму, од доставената документација јасно се гледа дека проценетата изложеност на кофеин преку конзумирање на енергетските пијалоци Прајм укажува на постоење на веројатност за штетно влијание по здравјето на релевантните групи на население, па затоа енергетските пијалоци Prime претставуваат ризик за здравјето на децата и адолесцентите со оглед на содржината на кофеин.
Енергетските пијалоци мора да бидат опремени со предупредувања дека пијалокот не е погоден за деца и помлади луѓе поради високата содржина на кофеин.
Инаку, Prime е исклучително популарен меѓу тинејџерите ширум светот, вклучително и во Хрватска. Го промовираат познати јутјубери како Логан Пол и КСИ, а иако пишува дека не е за помлади од 18 години, дизајнот и маркетингот се такви што ја таргетираат помладата популација.
Фактор веќе објави сторија за опасноста која се крие во овие пијалоци, особено за помладата популација.
