СЛАБ СНЕГ, МАЛКУ СОНЦЕ, УМЕРЕН ВЕТЕР Студено време со магливи утра

Времето утре ќе биде променливо облачно со сончеви периоди, најавува Управата за хидрометеоролошки работи.

Во утринските часови наместа ќе провејува слаб снег. Ќе дува слаб до умерен ветер од северозападен правец.

Најстудено утрото ќе биде во Берово и во Маврово, каде температурата ќе се спушти до -2 степени. Максималната дневна ќе достигне 13 степени Целзиусови во Гевгелија и во Демир Капија.

Фото: УХМР 

Во Скопје утре ќе биде променливо облачно со сончеви периоди. Ќе дува умерен северен ветер. Температурата ќе се движи од 0 до 9 степени.

До вторник времето ќе биде претежно облачно и суво.

Во среда ќе има врнежи од дожд кои ќе бидат пообилни во западните делови. На некои од повисоките планини врнежите од дожд ќе преминуваат во снег.

До крајот на неделата во утринските часови ќе има појава на магла во одделни котлини.

.