Скопје трет најзагаден град во светот
Македонската метропола денеска се најде на третото место на листата на најзагадени градови во светот според податоците на платформата IQAir.
Пред Скопје на листата се Лахор во Пакистан и Сараево во Босна и Херцеговина. Според мерната станица, веднаш по главниот град на Македонија следуваат Делхи, Ченгду, Колката, Кувајт Сити, Ханои, Карачи и Бишкек.
Скопје со години се соочува со високо ниво на загадување, особено во зимските месеци, предизвикано од сообраќај, индустрија и согорување на цврсто гориво за затоплување.
Експертите апелираат за итни мерки за намалување на загадувањето и заштита на јавното здравје, со цел да се намали ризикот од респираторни и други болести кај населението.
