„СКОПЈЕ ОПЕН 23“
Во чест на Градот Скопје, пливачите од 10 земји викендов ќе ја брануваат водата во базенот Борис Трајковски на 6-тиот меѓународен пливачки натпревтар „СКОПЈЕ ОПЕН 23‟.
460 пливачи од 43 клуба предводени од светскиот јуниорски шампион УРОШ ЖИВАНОВИЌ и златната од последните медитерански игри НИНА СТАНИСАВЉЕВИЌ, ќе се натпреваруваат во 18 дисциплини, пет категории. Се очекуваат одлични трки од кипарскиот репрезентативец PILIPPOS IAKOVIDIS, ОГЊЕН КОВАЧЕВИЌ финалист на последното јуниорско првенство како и босанскиот репрезентативец ДАВИД ВУЧИЌ.
Шансата за подобрување на македонските рекорди ќе ја имаат домашните пливачи предводени од НИКОЛА ЃУРЕТАНОВИЌ, учесник на последното светско сениорско првенство и САРА ЈАНКОВИЌ 4-тата од последниот Комен Куп.
Не радува што ќе бидеме домаќини на хрватските финалисти од последните олимписки игри за глуви ANTONIO ZGOMBA и NATALI ZGOMBA, заедно со нашиот АНДРЕЈ СТОЈАНОСКИ. Во склоп на настанот ќе се оддржи меморијална трка на 50м делфин, во чест на последниот претседател на Градски Пливачки Сојуз, Фарук Омерагиќ. Трките ќе се одвиваат во 4 дела во два дена Сабота и Недела со почеток во 9:30 часот претпладне и попладне од 17 часот.
Линк за натпреварот: https://live.swimrankings.net/39098/
