Скопје на врвот: Шести најзагаден град во светот
Додека сонцето заоѓа над главниот град, сивиот прекривач од смог повторно го „загуши“ Скопје, сместувајќи го меѓу најзагадените метрополи на планетата.
Според последните мерења на светските сервиси за мониторинг на квалитетот на воздухот (IQAir), Скопје денеска се искачи на високото 6-то место во светот според индексот на загаденост (AQI). Со индекс од загрижувачки 210, главниот град на Македонија влезе во „виолетовата зона“, што означува многу нездрав воздух за сите граѓани.
Фотографиите снимени од дрон покажуваат застрашувачка глетка: густ слој на загадување кој буквално ги крие подножјето на планините и ги претвора градските четврти во сиви силуети. Уличните светла и фаровите на автомобилите едвај пробиваат низ токсичната магла, која стана секојдневие за скопјани во зимскиот период.
На листата на најзагадени градови, Скопје се најде во друштво на светски мегалополи познати по овој долгогодишен проблем:
Поради енормното загадување, здравствените експерти препорачуваат:
Додека институциите се борат со краткорочни мерки, граѓаните на Скопје остануваат во исчекување на ветар или дожд – единствените „решенија“ кои во моментов нудат привремено олеснување од густиот смог.
