Скандалозна изјава на Виктор Орбан за пресудата за Додик: „Ова е политички лов на вештерки“
Унгарскиот премиер Виктор Орбан ја коментираше пресудата на Судот на Босна и Херцеговина во случајот против претседателот на ентитетот на Босна и Херцеговина РС Милорад Додик, нарекувајќи ја „политички лов на вештерки“.
„Политичкиот лов на вештерки против претседателот Милорад Додик е тажен пример за злоупотреба на судскиот систем против демократски избран лидер.
Ако сакаме да ја зачуваме стабилноста на Западен Балкан, ова не е вистинскиот начин“, напиша Виктор Орбан на социјалната мрежа Х.
Милорад Додик првостепено беше осуден на една година затвор и шестмесечна забрана за вршење на функцијата претседател на РС поради непочитување на одлуките на високиот претставник во Босна и Херцеговина.
