Скандалозен подкаст на јутуберот Лазаров со новинарот Латас – се бара реакција и од обвинителството!
Скандалозен подкаст на Јутјуберот Стефан Лазаров со новинарот Драган Павловиќ-Латас.
Подкастот е објавен пред неколку дена, а моментално е во центарот на вниманието.
Зборуваше за политичари, какво мислење има за новинари, како ја оставил познатата српска пејачка Светлана Ражнатовиќ сама на сред вечера, но и за своето прво сексуално искуство кое му било на 14 години, во Фиќо, со девојка постара од него, а во продолжение и го објаснува моментот.
„Не знам дали си го гледал „Dolly Bell“ филмот? Си требал, чисто да ти помогне во развојот, погледни го од Костурица. Знаеш како… Има еден, сега е во Босна, Сараево, татко му беше главен пазарен инспектор на Град Скопје и он имаше голема моќ позади татко му, секој дуќан, секоја продавница мора да клекне таму. И сега сакаш, нејќеш имаше едно клубче во Тафталиџе и ми текнуе во едно време, он не можеше да има однос со девојка доколку не ја ишамара, значи тоа му е доминација…“, вели Латас, на што јутјуберот низ смеа прашува дали прво ја шамара па имаат секс или обратно.
„Прво ја шамара… За секој случај“, додава Латас, на што модераторот се смее погласно.
„И сеа ние собрани, ја рецимо некој 14/15 години, овие постари 17, 20, 21…И ми вика искочи надвор, ја мислам сега некој ќутек ќе има, нешто.. ќе се тепаме. Седи една девојка во фиќо, џамовите замаглени, све и ми вика „влегувај и работи“, и ја ја гледам мислам сиротињава, што да ти кажам, изгужвана во фиќото, фиќото е 50 на 50, значи можеш да ја замислиш во која положба“, додава Латас.
По објавата, се погласни станаа и реакциите во јавноста токму за неговото објаснување околу првото сексуално искуство за кое многумина сметаат дека е јавно признавање на кривично дело.
Јавноста бара реакција и од Основното јавно обвинителство.
Еден од нив е и пратеникот Мартин Костовски кој го повика Обвинителството да го уапси Латас по коментарите дадени за силување девојка.
„Основното јавно обвинителство мора да ја оправда целта на своето постоење, нема изговор има еклатантна изјава. Уште вечерва под итно да му заѕвонат на “фраерот-Латас”и фино да си дадат налог за негово апсење, па во затворот нека се смее и фали како силувал девојче.
Па може да признае и колку девојки и жени можеби имале изнуди во Македонија кога оваа “дно од човек” се смееше и јавуваше со муабетот “ало,началниче” Пример за борба против оваа хипокризија и деструкција во општеството ќе биде можеби доволно едно (решение за притвор), за почеток. Значи почитувано,обвинителство зависи од вас и од никој друг, тоа е минимум што може да сторите-едноставно морате“, изреагира Костовски на социјалните мрежи.
