Сити се пофали со новата бразилска сензација

Савињо има само 20 години, во Сити дојде од Троа која ги имаше правата на него, но минатата сезона ја помина на позајмица во Жирона каде се претстави во одлично издание и постигна 9 гола и 10 асистенции на 37 натпревари што е одличен ефект ако се знае дека станува збор за крилен играч. Жирона оствари историски успех, пласирајќи се во Лигата на шампионите, но во елитното натпреварување ќе биде без еден од своите најдобри фудбалери.

Манчестер Сити на Троа ќе ѝ плати 25 милиони евра веднаш и уште 15 милиони во бонуси. Савињо ќе им биде конкуренција на Џек Грилиш и Жереми Доку и ќе треба да покаже многу за да ги истисне нив двајца.