Сити го суреди Арсенал за да го преземе лидерското место во Премиерлигата (ВИДЕО)
Комплексот на Арсенал од „граѓаните“ продолжи и во првото годинешно дерби за титула, зашто ова беше седма победа на шампионот против „топчиите“ по ред и лондончани ги немаат победено ривалите уште од 18 јули 2020 година, кога славеа во ФА-Купот (2-0). Но, поголема болка за Арсенал е што кризата во која западна во втор пораз во третиот меч и само еден освоен бод од можни девет, брзо ја прокоцка тешко стекнатата предност до пред десетина дена.
„Топчиите“ прескапо ги платија двете катастрофални грешки од кои примија два гола, а потоа Ерлинг Браут Халанд само ја завери победата, остварена во завршните 18 минути од мечот. Сѐ почна со противнападот по загубена топка на 40 метри кога Џек Грилиш во 72-та минута на асистенција на Илкај Гундоган погоди за второ водство, а заврши со голот на Халанд на осум минути пред крајот.
Претходно, Кевин Де Брајне донесе водство во 24-та минута после катастрофална грешка на јапонскиот репрезентативец Томијасу, а израмни Букајо Сака од пенал во 42-та минута.
Арсенал сѐ уште има шанса да се врати на лидерската позиција зашто има меч помалку од Сити, заостанат меч со Евертон од седмото коло, пресметката со должникот од кого почна актуелната лоша серија на лондончани со поразот со 0-1 пред две кола.
