Сите нелогичности околу смртта на Алексеј Навални: Се уште нема одговори на овие прашања
Поминаа четири дена откако беше објавено дека починал рускиот опозициски лидер Алексеј Навални, голем противник на рускиот претседател Владимир Путин, а за овој случај има се повеќе неодговорени прашања.
Казнено-поправната управа во областа Јамало-Ненец официјално ја објави смртта на Алексеј Навални на 16 февруари во 14:19 часот по московско време. Според соопштението, Навални не се чувствувал добро по прошетката и изгубил свест.
Преземени се сите мерки за реанимација, но нема позитивни резултати. Лекарите од Итната помош констатирале смрт на осуденикот“, се наведува во соопштението, без да се прецизира точната причина за смртта.
Според Кира Џармус, портпаролката на Навални, пред официјалното соопштение, властите ѝ рекле на неговата мајка Људмила дека причината за смртта е „синдром на ненадејна смрт“. Ненадејна или случајна смрт се однесува на состојби кои водат до ненадеен срцев удар и смрт. Сепак, неименувани извори за одредени руски медиуми изјавиле дека Навељни починал од згрутчување на крвта.
Во исто време се појавија информации дека членови на ФСБ дошле во затворот „Полар волк“, каде што бил сместен рускиот опозициски лидер, само два дена пред смртта на Навални. Според порталот Gulagu.net, агентите ги исклучиле безбедносните камери и уредите за слушање.
Весникот Новаја Газета, повикувајќи се на неименуван осуденик во таа затворска колонија, објави дека вечерта на 15 февруари во затворот имало „чудна гужва“. Наводно, безбедносните мерки биле подигнати на повисоко ниво. Во раните утрински часови на 16 февруари, ќелиите биле претресени, а на затворениците им биле одземени мобилните телефони и другите вредни предмети. Веста дека Навални е мртов, наводно се проширила во затворот неколку часа пред да биде објавено официјалното соопштение.
Исто така, кружат информации дека на телото на Навални се пронајдени модринки, за кои се уште нема официјални објаснувања како настанале.
Дали Навални умре порано?
Сомнителни се и часовите по смртта на Наваљни. Имено, само две минути по официјалната смрт, затворските власти излегоа со соопштение за медиумите.
Четири минути подоцна, провладиниот канал Телеграм тврди дека причината за смртта е згрутчување на крвта. Седум минути подоцна, портпаролот на Кремљ Дмитриј Песков ја објави смртта.
