„Сите исполнуваат услови“: Премиерот уверуваше во безбедноста, три дена подоцна локал во Кавадарци „пукаше по шевовите“ со двојно повеќе гости од дозволеното
Само 72 часа откако премиерот Христијан Мицкоски јавно ја увери нацијата дека сите угостителски објекти што работат ги исполнуваат техничките услови, реалноста на терен го демантираше на најдраматичен начин. Упадот на полицијата и инспекциите на концертот на Аца Лукас во Кавадарци разоткри системски хаос: кафетерија претворена во концертна сала, двојно надминат капацитет и масовно затајување данок.
Во вторникот, одговарајќи на новинарско прашање дали граѓаните можат да се чувствуваат безбедни кога излегуваат во ноќни клубови и дискотеки, премиерот беше дециден.
Но, случувањата во петокот вечерта во објектот „Рома“ во Кавадарци покажаа сосема поинаква слика за безбедноста и легалноста.
Според документацијата до која дојде Канал 5, објектот каде што настапувала балканската ѕвезда воопшто не е регистриран за такви настани. Локалот „Рома“ се води како кафетерија и немал никаква дозвола за организирање музички настани од таков обем.
Најзагрижувачкиот податок, кој директно кореспондира со стравот за безбедноста на граѓаните, е бројот на присутни.
Ова значи дека во објектот имало 2,5 пати повеќе луѓе од безбедносниот максимум, создавајќи сериозен ризик од стампедо или неможност за евакуација во случај на несреќа.
Координираната акција на Управата за јавни приходи (УЈП), Државниот пазарен инспекторат (ДПИ), Инспекторатот за труд и МВР откри цела лепеза на прекршоци кои укажуваат на работење целосно надвор од системот:
Самиот пејач, Аца Лукас, се нашол на удар на законот не само поради настапот, туку и поради престојот. Инспекторите утврдиле дека тој имал нерегистриран престој во Македонија и непријавен краткотраен работен ангажман, што резултираше со негово приведување и прекршочна казна.
Овој случај отвора сериозни прашања за тоа колку всушност институциите имаат реална слика за состојбите во угостителството и дали уверувањата за безбедност се базираат на факти или само на административни извештаи кои не соодветствуваат со реалноста.
