Синот на Талат Џафери стана јавен обвинители
Синот на собранискиот претседател Талат Џафери е избран за обвинител во гостиварското обвинителство на денешната седница на Советот на јавни обвинители. На членовите на советот, не им пречеше дека Барлет Џафери успеал да биде запишан и да полага правосуден испит без да има документација за завршен факултет, како што беше утврдено во постапката на Антикорупциската комисија, објави Телма.
Синот на спикерот Џафери е еден од штотуку завршените кандидати на Академијата за судии и обвинители кои на денешната седница на Советот на јавни обвинители се избрани на празните места во обвинителската структура.
И сопругата на шефот на Обвинителството за гонење на организиран криминал и корупција, Абази, Албулена Абази е избрана за обвинител во ОЈО Кичево.
Во Велес е избрана една обвинителка, двајца обвинители се избрани во Битола и еден обвинител е избран за дебарското обвинителство. За раководител на Основното јавно обвинителство во Штип е избрана досегашната вршителка на должноста Татјана Кацарова.
