СИЛНО НЕВРЕМЕ ВО АВСТРИЈА, СЕ СПУШТА КОН СЛОВЕНИЈА И ХРВАТСКА: Ветерот достигнал и до 160 километри на час
Силно невреме со
грмотевици попладнево ја зафати јужна Австрија и преку Словенија се движи кон
Хрватска. Според метеоролозите, невремето во Србија ќе пристигне утре
попладне.
Според
австриските медиуми, најлошо било во Тирол, каде силниот ветер носел покриви од
куќи.
На некои станици
во Австрија, налетите на ветерот достигнаа меѓу 100 и 160 километри на час.
Am Abend hat eine Superzelle in Mittel- und Unterkärnten nicht nur 5 cm großen Hagel produziert, sondern auch Sturmböen von über 90 km/h. In Sankt Marxen bei Völkermarkt wurde dabei der Kirchturm schwer beschädigt.
Christian Maierhofer pic.twitter.com/3FxqzVNRpl— Manuel Oberhuber (@manu_oberhuber) July 17, 2023
Од возот е
евакуиран и претседателот на Австрија.
Облакот го погодил и возот кој сообраќал во правец на
Форарлберг. Поради прекин на струја возот моментално стои, а патниците морале
да бидат евакуирани. Меѓу нив бил дури и австрискиот претседател Александар Ван
дер Белен, пренесува Krone.at. Патот го продолжил малку подоцна со автомобил, а
брзата помош ги смирувала патниците и ги снабдувала со вода.
На некои места луѓето останаа без струја, а многу планинари
останаа заглавени во планините. Ангажирани се стотина пожарникари, а
евидентирани се повеќе од 500 интервенции, главно поради паднати дрвја. Засега
нема информации за повредени, пренесува Die Presse.
In #Unterkärnten gibt es zahlreiche Schäden durch das #Unwetter zu beklagen pic.twitter.com/kLwQOkuvn0
— Storm Science Austria (@StormAustria) July 17, 2023
Предупредување до граѓаните
Овој моќен олуен систем веќе почна да се сели во Словенија,
пренесува 24ур. Дирекцијата за заштита и спасување ги повика сите што се на
отворено што поскоро да се повлечат на безбедно.
– Се молат сите што престојуваат на отворено што поскоро да
се повлечат во безбедно прифатилиште, особено од 18 до 21 часот, поради опасности – предупредува Дирекцијата
за заштита и спасување.
За овој период највисоко (црвено) ниво на предупредување е
издадено за северозападните и североисточните делови на Словенија.
– Силно невреме може да се прошири и во другите делови на
земјата – напишаа од Агенцијата за животна средина.
Хрватските медиуми јавуваат дека невремето во текот на
вечерта од Словенија треба да стигне до делови на Хрватска. Портокалова тревога
поради можна силна бура со грмотевици е во сила за областите Загреб и Карлови
Вари, а жолта тревога за Славонија и висорамнините.
-Подгответе
се за посилни грмежи кои можат да предизвикаат големи штети – предупредува
цивилната заштита.
Според метеоролозите, невремето нема да ја заобиколи ниту Србија.
– Во среда
попладне и во ноќта кон четврток над северозападните, северните, а потоа и
источните делови на Хрватска, западна и северна БиХ, Војводина, северозападна
Србија, северна Шумадија и североисточна Србија, многу нестабилно со силни
грмежи и локални непогоди – се наведува во прогнозата.
– Повторно ќе има
поволни параметри за развој на суперклеточни бури, но детална проценка на таа
опасност ќе можеме да имаме дури во среда. Заедно со нестабилноста, кратко
време ќе дува и урагански ветер, а ќе следи засилено освежување. Во
четврток ќе биде претежно сончево и попријатно време со поретки врнежи понекаде
над централниот и источниот дел од регионот. Дневен максимум од +26 до +31
Целзиусови степени, на југ околу +33 Целзиусови степени, велат метеоролозите во
Србија.
