Силен земјотрес го погоди Тексас, по што следеа шест последователни потреси

Земјотрес со јачина од 5,1 степени според Рихтеровата скала ја погоди американската сојузна држава Тексас, објави Ројтерс, повикувајќи се на Европско-медитеранскиот сеизмолошки центар.

Земјотресот бил на длабочина од 10 километри и 151 километар западно-југозападно од градот Одеса во државата Тексас. Регистриран е во 04:27 часот по локално време.

Нема извештаи за жртви или материјална штета.

Земјотресот бил почувствуван и во Ново Мексико. Жителите на државата на социјалните мрежи коментираат дека истрчале од креветите кога почнало нишањето кое траело 20-30 секунди.

Следеа неколку последователни потреси, од кои најсилниот досега бил со јачина од 3,4, други пет со јачина од 2,5 до 3,2, соопшти Американскиот геолошки институт.

Останете во тек за детали.