Сицилија го собори температурниот рекорд во Европа

Метеоролошката агенција на Обединетите нации потврди дека отчитувањето на 48,8 степени Целзиусови на Сицилија пред две години е највисоката температура досега забележана во Европа.

Светската метеоролошка организација соопшти дека оваа температура е измерена на 11 август 2021 година, во време кога температурата во голем дел од Европа била во пораст.

Оваа вредност го надмина претходниот европски рекорд од 48 степени, што беше забележан во грчките градови Атина и Елефсини во јули 1977 година.

Сицилијанскиот рекорд од 2021 година се заснова на временски набљудувања и за прв пат беше објавен во Меѓународниот весник за климатологија.

Рандал Сервени, кој известува за климатските и временските екстреми за Светската метеоролошка организација, рече дека потврдата дојде по долга и внимателна истрага, објавија медиумите на ПА.

„Оваа истрага покажува алармантна тенденција да се постават рекорди за високи температури во одредени региони во светот“, предупреди Червени.