Што велат бугарските лекари за состојбата на Бекир Кадриески?
Лекарите во Бугарија направиле тестови на претседателот на бугарското здружение „Шемето“ од Струга, Бекир Кадриески кој деновиве доби ќотек од жител на Велешта.
Тој е во стабилна состојба, не е во животна опасност, објавија доцна синоќа од Военомедицинска академија болницата во Софија – БМА, пренесе бугарската БНТ.
Ќе му направат и дополнителни високо специјализирани тестови за да се прецизира терапевтскиот план.
Тој вчера побара да го лекуваат во Софија, затоа што како што кажа во болницата во Струга не се грижеле многу за неговото здравје.
Министерот за внатрешни работи Оливер Спасовски, вчера информираше дека напаѓачот на Кадриески е идентификуван и приведен.
Инаку, и Христијан Пендиков од Охрид исто така на почетокот на годинава по тепачка во градот, побара и доби лекување во Бугарија, како и други привилегии. Нему бугарската потпретседателка Илијана Јотова свечено му врачи бугарско државјанство.
фото принтскрин нова.бг
