ШТО СЕ СЛУЧУВА ВО ХРВАТСКА: Уште еден производ е повлечен од продажба
Поради зголеменото количество на недозволива супстанца Државниот инспекторат на Хрватска донесол одлука од пазарот да се повлече наливниот чај „Мента лист“, произведен од Агристар д.о.о. од Вишњевац.
Ова се однесува исклучиво за производ со податоци, рефус чај Мента лист, 80гр, ЛОТ број L 0647, датум на производство 23.10.2023 година, со назнака за најдобра употреба до 31.10.2025 година.
Како што е објаснето во соопштението за печатот на Хрватската агенција за земјоделство и храна, производот не е во согласност со европската регулатива за храна.
– Поради зголеменото количество на пиролизидински алкалоиди, Државниот инспекторат од пазарот го повлекува наливниот чај „Мента лист“, произведен од Агристар д.о.о. од Вишњевац – се посочува во соопштението.
Изминатиов период имаше повеќе производи кои беа повлечени од маркетите низ Хрватска. Беше повлечен сувомеснат производ поради присуство на салмонела, но и масло од црн сусам.
Исто така имаше проблеми со производи од увоз, како паштета од Словенија, а им беше стопирана и вратена пратка со мандарини од европските пазари.
