ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
Шпанското
Министерство за права на потрошувачи казни пет нискобуџетни авиокомпании во
петокот со 179 милиони евра за злоупотреби, вклучително и наплата на дополнителни
давачки за рачен багаж.
Ryanair доби
најголем дел од казната – 107,78 милиони евра. На шпанската нискобуџетна
авиокомпанија Vueling му беше наложено да плати 39,2 милиони евра, а на
британскиот EasyJet 29 милиони евра. Втората по големина скандинавска
авиокомпанија Norwegian и шпанската авиокомпанија Волотеа добија казни од над
еден милион евра.
-Овие пет
авиокомпании треба да престанат со практиката да бараат дополнително плаќање за
рачен багаж и за резевација на место во близина на патник на кој му е потребен
придружник, соопшти Министерството.
Авиокомпаниите,
исто така, беа критикувани за „несразмерни и навредливи“ давачки за печатење
билети, наводно изоставувајќи или не разјаснувајќи ги информациите за цените на
нивните веб-страници и не дозволувајќи плаќања во готовина на шпанските
аеродроми.
„Рајанер“ соопшти
дека „веднаш ќе поднесе жалба на шпанските незаконски и неоправдани казни за
багаж“, при што извршниот директор Мајкл О’Лири рече дека санкциите, кои биле
„конструирани од шпанското Министерство за потрошувачи од политички причини,
очигледно го прекршуваат правото на ЕУ“.
– Успехот на
Ryanair и другите нискобуџетни авиокомпании во Шпанија и низ Европа во
последните години е целосно последица на европскиот режим на отворено небо и
слободата на авиокомпаниите да ги одредуваат цените и политиките без мешање на
националните влади, што е токму каква е денешната незаконска шпанска казна – оцени
тој.
Norvegian, исто
така, рече дека ќе продолжи со шпанските и властите на ЕУ за да го оспорат
тврдењето и истакна дека нејзината политика за багаж ја одразува нејзината
посветеност на „обезбедување безбедно, прифатливо патување“.
– Целосно не се
согласуваме со одлуката на шпанското Министерство за потрошувачки прашања и ги
сметаме предложените санкции за срамni – се вели во соопштението на EasyJet, додавајќи дека верува дека нејзината политика за кабински багаж е
во согласност со сите важечкизакони.
– За ова
официјално ќе се жалиме преку судовите и енергично ќе го браниме нашиот став –
соопштија од EasyJet.
