ШПАНИЈА ГИ ПРИЗНА КОСОВСКИТЕ ПАСОШИ, НО НЕ И КОСОВО: Официјален Мадрид даде појаснување
Министерството за
надворешни работи на Шпанија нагласи дека прифаќањето на употребата на пасошот Косово
не значи дека Шпанија го признава Косово.
Ова е одговорот
на барањето на Танјуг да појасни дали има промена на ставот и зошто има промена
кога станува збор за признавањето на пасошите и додаде дека сите шенгенски земји
кои не го признаваат Косово ги прифатиле обичните косовски пасоши.
Пет земји од Европската унија – Шпанија, Романија, Кипар, Словачка и Грција – не ја признаа независноста на Косово.
Словачка и Грција се исто така членки на Шенген зоната, но на 1. јануари ги укинаа визите за граѓаните на Косово.
„Сите шенгенски земји, кои не ја признаваат независноста на Косово, прифатија да се користат обични косовски пасоши, но тоа во никој случај не значи признавање на Косово“, изјави за Ел Паис неименуван извор од Министерството за надворешни работи на Шпанија.
„Да не го направевме тоа, имателите на тие пасоши ќе имаа правни проблеми при посетата на земјите што не го признаваат Косово“, додаде изворот.
– Шпанија го
фаворизира и ќе продолжи да го фаворизира дијалогот меѓу Белград и Приштина
како начин за решавање на ова прашање и се обидува да го минимизира неговото
влијание врз граѓаните. Ознаката „Косово“ не ги прејудицира ставовите за
неговиот статус и е во согласност со Резолуцијата 1244/1999 на Советот за
безбедност на ОН и Мислењето на Меѓународниот суд на правдата за прогласувањето
на независноста на Косово – соопшти шпанското Министерство.
ФОТО: EPA/VALDRIN XHEMAJ
