Шкупи во тага: Се повлекува дресот на Андреј Лазаров
Фудбалскиот клуб Шкупи денеска донесе одлука да го повлече и испрати на семејството, дресот на Андреј Лазаров, фудбалер кој животот го загуби во пожарот во дискотеката во Кочани.
Тие ќе продолжат да даваат плата според договорот кој што Лазаров го имал со клубот.
„ФК Шкупи донесе одлука да го повлече од употреба бројот 77, кој го носеше Андреј Лазаров сè до неговото прерано заминување од овој свет. Ова е еден мал гест од наша страна, во знак на почит и благодарност за неговиот придонес во клубот.
Исто така, клубот одлучи неговото семејство да ги добива платите според договорот што Лазаров го имаше со ФК Шкупи.
Андреј Лазаров засекогаш ќе остане дел од историјата на ФК Шкупи, а овие одлуки донесени од раководството се мал знак на почит за оддавање чест на неговото сеќавање“, велат од Шкупи.
