ШЕФОТ НА JP MORGAN ПРЕДУПРЕДУВА: „Директорите на американските банки се искачуваат по ѕидот на загриженоста“
„Војната меѓу
Русија и Украина, а сега и со
ескалацијата на израелско-палестинските непријателства, може да има далекусежни
последици за глобалната економија и геополитичките односи“, напиша извршниот
директор на JPMorgan, Џејми Димон во извештајот за заработката на компанијата
за третиот квартал.
Тој рече дека и покрај релативното здравје на американската
економија, земјата има многу предизвици што треба да ги надмине, вклучително и
тесниот пазар на труд, високите нивоа на национален долг, заканата од
дополнителни скокови на инфлацијата и долгорочните ефекти од квантитативното
олеснување.
Сепак, влошувањето на геополитичките услови може да ја
направи ситуацијата бескрајно потешка, предупредува тој.
„Војната во Украина, комплицирана со минатонеделните напади
врз Израел, може да има далекусежни ефекти врз енергетските и прехранбените
пазари, глобалната трговија и геополитичките односи. Ова е можеби најопасното
време што светот го видел во последните децении“, рече Димон кој во петокот за
Си-Ен-Ен изјави дека директорите на американските банки „се искачуваат по ѕидот
на загриженоста“.
Во своето обраќање, тој се повика на една од најпознатите вистини на Вол Стрит што објаснува како
пазарите можат да останат силни во
услови на економска несигурност и геополитичка криза.
„Ние правиме сто стрес тестови неделно… Обично
геополитиката се претставува како длабока рецесија или блага рецесија, а
добрите перформанси на пазарот не се причина во ниту еден момент да се каже дека
тој ќе продолжи да биде добар“, смета овој Димон.
Друга истакната личност во глобалните финансиски кругови,
Реј Далио, основачот на најголемиот светски хеџ-фонд „Бриџвотер Асошиејтс“,
претходно предупреди дека конфликтот меѓу Израел и Палестина може да се прошири
надвор од границите на двете земји и да има далекусежни последици за целата
глобална заедница.
„Според мене, оваа војна има висок ризик да доведе до
неколку други конфликти од различен тип на многу места и најверојатно ќе има
штетни ефекти кои ќе се прошират надвор од оние во Израел и Газа“, напиша Далио
на LinkedIn.
ФОТО: EPA-EFE/MICHAEL REYNOLDS
