Северна Кореја: 800.000 луѓе потпишаа дека се подготвени да војуваат против САД
Северна Кореја тврди дека околу 800.000 нејзини граѓани доброволно се приклучиле на армијата за да се борат против САД, објави вчера државен весник.
Само вчера околу 800.000 студенти и работници изразија желба да се пријават во војска за да се одбранат од САД, пишува весникот Родонг Синмун.
Соопштението дојде откако Северна Кореја во четвртокот лансираше интерконтинентална балистичка ракета Хвасонг-17 како одговор на американско-јужнокорејските воени вежби.
Ким Џонг-ун: САД и Јужна Кореја ги зголемуваат тензиите
Севернокорејските балистички ракети се забранети со резолуции на Советот за безбедност на ОН, а последното лансирање беше осудено од владите во Сеул, Вашингтон и Токио.
Јужнокорејските и американските трупи во понеделникот започнаа 11-дневни вежби „Штитот на слободата 23“ на размери што не се забележани од 2017 година.
Севернокорејскиот лидер Ким Џонг-ун ги обвини САД и Јужна Кореја дека ги зголемуваат тензиите со воени вежби.
