Сепаре до 15 илјади денари: Ноќни клубови без дозволи организираат „афтери“ за скопските матуранти

Ноќни клубови и дискотеки на диво организираат забави за матурантите.

Една ваква забава заврши со полициска акција, односно за само неколку часа матуранти од скопска гимназија се насле пред затворена дискотека, која претходно им наплатила дури 15.000 денари за сепаре, јавува Телма.

Според информациите, забавата се одвувала по полноќ односно по официјалната прослава на матурската вечер во ресторан, организирана од училиштето,

Организацијата за забавата се одвивала преку соученик и била во клуб сместен во рамките на Железничката станица во Скопје, каде влезот чинел 300 денари, маса за стоење 4.500, а сепарето дури 15.000 денари.

Сепак, по пристигнувањето во клубот, се придружиле и полициски службеници, како и пазарна инспекција кои јја пломбирале дискотеката затоа што истата немала дозвола за работа.

Родителите очекуваат одговорност од организаторите и вината ја гледаат кај сопствениците на објектот кој свесно измамиле и изложиле деца на ризик.