Семејството на Пешева за доживотната казна на Зејнелов: Болката не се намалува, но правдата е задоволена
Фадил Зејнелов (33) доби доживотна казна затвор за убистото на 29-годишната Емилија Пешева на 1 ноември минатата година. Судот во Штип ја изрече максималната казна, истакнувајќи дека Зејнелов не покажал емпатија и одговорност за својот чин. Претседателот на судот, Сашко Георгиев, посочи дека насилството врз Пешева продолжило и во август, што дополнително ја оправдува казната.
Семејството на Емилија изјави дека болката не се намалува, но правдата е задоволена. Адвокатот на оштетените, Мишко Чолаков, нагласи дека доживотната казна затвор е максимална и осудениот нема право на условен отпуст пред да поминат 15 години.
Емилија беше убиена во помошен објект на ЈП „Исар“ во близина на својот дом. Пред неа, доживотен затвор доби и убиецот на Танкица, која беше убиена со нож во Кочани.
